.png)
Vit eru sera spent at deila nýggju broytingarnar við tilmeldingini til Brekkulegan 2025. Vit hava gjørt tað enn lættari hjá skótabólkum at tryggja sær pláss, samstundis sum vit tryggja rættvísi.
Hvat er nýtt?
Um tú tilmeldar tín skótabólk, so verður tín tilmelding nú 100% váttað beinanvegin, tá tú hevur framt tilmeldingina! Hetta merkir, at títt pláss til Brekkulegan 2025 er tryggjað. Kortini skal tað verða sagt, at tað er avmarka pláss, so tað er at tilmelda seg skjótast gjørligt.
Tilmeldingar hjá einstaklingum (Altjóða Skótapatruljur, IST'arum, og Hjálparfólk):
Um tú tilmeldar teg í eina Altjóða Skótapatrulju, sum ein IST'ari, ella sum hjálparfólk, fært tú ein teldupost í seinasta lagi tann 16. november 2024, sum váttar, um títt pláss er tryggjað.
Minst til:
Skótabólkar verða váttaðir sjálvvirkandi, og títt pláss er tryggjað, tá tú hevur framt tilmeldingina.
Tú kanst enn broyta tilmeldingina (t.d. tal av luttakarum, leiðarum ella IST'arum) til 15. november 2024.
Tann 16. november 2024 senda vit ein teldupost við endaligari váttan og upplýsingum um, hvussu tú skalt gjalda tilmeldingargjaldið á kr. 200 pr. luttakara, leiðara og IST'ara. Hjálparfólk skulu ikki gjalda tilmeldingargjald.
Um tú tilmeldar teg sum einstaklingur, fært tú ein endaligan teldupost seinasta lagi tann 16. november 2024, sum váttar, um tína luttøku.
Hvat skalt tú gera nú?
Um tú longu hevur tilmelda tín skótabólk, so tillukku! Títt pláss er váttað, og tú fært meira kunning um gjaldingina tann 16. november. Minnist til, at tú kanst broyta tilmeldingina til 15. november.
Um tú hevur tilmelda teg sum einstaklingur, fært tú ein teldupost í seinasta lagi 16. november, sum váttar um tína luttøku.
Um tú ikki longu ert tilmeldaður, so er enn tíð at tryggja sær eitt pláss á Brekkuleguni 2025! Tilmelda teg til áðrenn legan verður fullteknað.
Fylg við Brekkuleguni!
Fylg okkum á okkara sosialu miðlum fyri at fáa dagføringar um Brekkulegan 2025. Vit gleða okkum at síggja teg á Brekkulegan 2025!
Um tú hevur spurningar, kanst tú seta teg í samband við okkum á brekkulegan@leirvikspall.fo.
Síggjast á Brekkulegan 2025!
Comments